Avropa Azərbaycan Məktəbi 8 Noyabr – Zəfər Gününə həsr olunmuş fləşmob keçirib.

Məktəbdən Sizinxeber.az-ya verilən xəbərə görə, tədbir zamanı məktəbdə təhsil alan şəhid övladları öz diləklərini ifadə edərək bir daha müharibələrin baş verməməsi və dinc bir dünyada yaşamaq arzularını çatdırıblar. Məktəbin şagirdləri “ZƏFƏR GÜNÜ” sözlərini əks etdirən forma yaradıblar.

Məktəbin direktoru və kollektivi Azərbaycan bayrağı ilə irəliləyərək bu yazını tamamlayıb, bu tarixi günün əhəmiyyətini vurğulayıb. Şagirdlər və məktəb heyəti, bütün dünyaya sülh, əmin-amanlıq, tərəqqi və rifah arzusu ilə dolu bir mesaj veriblər.

Bu fləşmob video layihəsi Zəfər Gününün Azərbaycan xalqı üçün daşıdığı mənanı əks etdirərək, həm milli qüruru, həm də gələcək nəsillərə olan ümidləri ifadə edir. Avropa Azərbaycan Məktəbinin çəkdiyi bu video, həmçinin dünyada davamlı sülhün və sabitliyin təmin olunması arzusu ilə bütün insanlara rifah dolu bir həyatın mümkünlüyünü xatırladır.

Zəfər Günümüz mübarək olsun!

Oxşar xəbərlər

Avropa Azərbaycan Məktəbində Zəfər Günü qeyd edilib

Elm və Təhsil Nazirliyinin kollektivi Anım Günü ilə əlaqədar Zəfər parkında olub

FHN-in Akademiyasında 27 Sentyabr – Anım Günü ilə əlaqədar tədbir keçirilib

8 Noyabr - Zəfər Günü İstanbulda qeyd edilib

8 Noyabr - Zəfər Günü ilə əlaqədar bir neçə mərkəzi yolda hərəkət məhdudlaşdırılacaq