Fövqəladə Hallar Nazirliyinin Şimal-qərb Regional Mərkəzi tərəfindən Qəbələ rayonunun Mıxlıqovanq, Solquca və Cığatelli kəndlərində “Sel və daşqınlarla əlaqədar zəruri davranış qaydaları” mövzusunda maarifləndirmə tədbirləri keçirilib.

APA FHN-ə istinadən xəbər verir ki, tədbirlərdə Ekologiya və Təbii Sərvətlər Nazirliyi 6 saylı Regional Ekologiya və Təbii Sərvətlər İdarəsinin, Qəbələ Rayon İcra Hakimiyyətinin məsul şəxsləri, kənd inzbati ərazi dairəsi üzrə nümayəndələr və kənd sakinləri iştirak edib.

Tədbirlərin keçirilməsində məqsəd xüsusilə intensiv yağıntılarla əlaqədar çaylarda yarana bilən sel və daşqınlar zamanı zəruri təhlükəsizlik qaydaları barədə vətəndaşlara müvafiq biliklərin verilməsi olub.

Yerli sakinlər, o cümlədən ictimai iaşə obyektlərinin əməkdaşları ilə keçirilən görüşlərdə sel və daşqın təhlükəsindən qorunmağın yolları, bu təhlükə ilə üzləşdikdə davranış qaydaları barədə ətraflı məlumatlar verilib, mövzuya dair məlumatlandırıcı çap materialları paylanılıb.

Qeyd edilib ki, Fövqəladə Hallar Nazirliyi tərəfindən əhalinin fövqəladə hallarla bağlı maarifləndirilməsi məqsədilə bu kimi tədbirlər mütəmadi olaraq keçirilir.

Oxşar xəbərlər

FHN silsilə maarifləndirmə tədbirləri keçirib [xfgiven_updateblue][/xfgiven_updateblue]

Təbii və texnogen xarakterli fövqəladə hadisələrlə bağlı maarifləndirmə tədbirləri keçirilib [xfgiven_updateblue][/xfgiven_updateblue]

Fövqəladə hallarda davranış qaydaları ilə bağlı tədbirlər keçirilib [xfgiven_updateblue][/xfgiven_updateblue]

Fövqəladə hallarda davranış qaydaları barədə tədbirlər keçirilib [xfgiven_updateblue][/xfgiven_updateblue]

Meşələrdə yanğın təhlükəsizliyi məsələləri müzakirə olunub [xfgiven_updateblue][/xfgiven_updateblue]