Dövlət İmtahan Mərkəzi 2024-cü ildə keçirilmiş buraxılış imtahanlarında üzrlü səbəbdən iştirak edə bilməyən 9-cu və 11-ci sinif şagirdləri, o cümlədən eksternat qaydasında imtahan verənlər üçün sentyabrın 8-də əlavə imtahan keçirəcək.

Bu barədə APA-ya DİM-dən məlumat verilib.

Bildirilib ki, imtahanda iştirak edəcək şagirdlər “İmtahana buraxılış vərəqəsi”ni çap edə bilərlər.

Bundan əlavə, sentyabrın 8-də bu il keçirilən Azərbaycan dili (dövlət dili kimi) imtahanlarında iştirak edə bilməyən şagirdlər də qeyd olunan imtahanı verəcəklər.

İmtahanlar Bakı, Naxçıvan, Gəncə və Şirvan şəhərlərində təşkil olunacaq.

Bu imtahanlarda iştirak edəcək şagirdlər Dövlət İmtahan Mərkəzinin saytından “İmtahana buraxılış vərəqəsi”ni çap edib götürə bilərlər. Buraxılış vərəqəsi ilə yanaşı, onlara “Yaddaş kitabçası”ndan çıxarış da təqdim olunur. Burada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.

Oxşar xəbərlər

Həftəsonu buraxılış imtahanlarında iştirak edə bilməyənlər üçün yenidən imtahan keçiriləcək

Bu gün dövlət qulluğuna qəbul üzrə test imtahanları keçiriləcək

DİM: 1415 taksi sürücüsü imtahan üçün qeydiyyatdan keçib

Rezidenturaya qəbul imtahanının 2-ci mərhələsi keçiriləcək

Doktorantura və dissertantura səviyyəsində danışıq bloku üzrə imtahan keçiriləcək