Müəllimlərin işə qəbulu üzrə müsabiqənin müddətli müqavilə ilə vakansiya seçimi mərhələsinin nəticələri namizədlərin şəxsi səhifələrinə göndərilib.

Bu barədə Sizinxeber.az-ya Təhsil İnstitundan məlumat verilib.

Bildirilib ki, 30 avqust – 2 sentyabr tarixlərində keçirilmiş vakansiya seçimində 1544 namizəd uğur qazanaraq müddətli müqavilə ilə çalışmaq imkanı əldə edib.

Müddətli müqavilə ilə vakansiya seçimində uğur qazanan namizədlər 6 sentyabr saat 18:00-dək zəruri sənədləri (şəxsiyyəti təsdiq edən sənədin, ali və ya orta ixtisas təhsili haqqında sənəd və ona əlavənin surəti, əmək kitabçasının əsli (olduğu təqdirdə), 4 ədəd 3x4 formatında fotoşəkil, sağlamlıq haqqında arayış, kadrlar uçotunun şəxsi vərəqəsi, şəxsi səhifədə işə qəbulun nəticəsinə dair çıxarış) aidiyyəti yerli təhsili idarəetmə orqanına təqdim etməlidirlər.

Çıxarışı aidiyyəti yerli təhsili idarəetmə orqanı tərəfindən təsdiq olunmuş namizədlərin işə qəbulu rəsmiləşəcək. Namizədlərə sənədlərini təqdim etdikdən sonra şəxsi səhifələrinə daxil olaraq çıxarışının təsdiq olunduğunu yoxlamaq tövsiyə olunur.

Oxşar xəbərlər

Müddətli müqavilə ilə müəllimlərin vakansiya seçimi mərhələsinin nəticələri açıqlanıb

MİQ üzrə müsahibənin nəticələri elan olunub

MİQ üzrə vakansiya mərhələsinin nəticələri açıqlanıb

Sabah MİQ üzrə müddətli müqavilə ilə vakansiya seçiminə başlanılır

MİQ üzrə müsahibə mərhələsinin nəticələri açıqlanıb