Lerik Rayon Polis Şöbəsinin əməkdaşları çətin relyef şəraitində narkotik vasitə və psixotrop maddələrin qanunsuz dövriyyəsinə qarşı əməliyyat keçiriblər. Tədbirlərlə əvvəllər məhkum olunmuş 25 yaşlı Vüsal Abdullazadə saxlanılıb.

DİN-in Mətbuat Xidmətinin Lənkəran regional qrupundan APA-nın cənub bürosuna verilən məlumata görə, ondan ümumilikdə 10 kiloqram marixuana, heroin və metamfetamin, əlavə olaraq 50 ədəd metadon həbi aşkarlanıb.

Araşdırmalarla onun narkotikləri şəxsiyyəti araşdırılan İran vətəndaşından əldə etdiyi, maddi qazanc və narkotik vasitə müqabilində deyiləcək ünvanlara çatdırmağa razılaşdığı müəyyən edilib.

Faktla bağlı cinayət işi başlanılıb, məhkəmənin qərarı ilə V.Abdullazadə barəsində həbs qətimkan tədbiri seçilib.

Araşdırma aparılır.

Oxşar xəbərlər

Bakıya külli miqdarda narkotik gətirmək istəyən şəxslər saxlanılıblar

Lerikdə saxlanılan narkokuryerdən 10 kiloqram narkotik aşkarlanıb

Lənkəranda 18 kiloqram narkotik vasitə dövriyyədən çıxarılıb

Bakı və Salyanda 41 kq narkotik dövriyyədən çıxarılıb

Bakıya külli miqdarda narkotik gətirmək istəyən şəxs Biləsuvarda saxlanılıb