“Yeni qanunun qəbulunda məqsəd istilik enerjisinin istehsalından, paylanmasından, satışından və istehlakından irəli gələn iqtisadi münasibətlərin hüquqi əsaslarını tənzimləməkdir. Eləcə də, bu qanunla istilik təchizatı sahəsinin tənzimlənməsində dövlət orqanlarının və tənzimləyicinin səlahiyyətləri, istilik təchizatı subyektlərinin hüquq və vəzifələri müəyyən ediləcək. Digər tərəfdən isə, düşünürəm ki, qanunun qəbulu gələcəkdə istehlakçıların istilik enerjisi təchizatının keyfiyyətini də yüksəldəcək”.

APA xəbər verir ki, bunu Milli Məclisin Təbii ehtiyatlar, energetika və ekologiya komitəsinin bu gün keçirilən iclasında deputat Fatma Yıldırım deyib.

Deputat bildirib ki, qanun yeni tikilən çoxmənzilli binaların istilik təchizatı ilə üzləşdiyi problemlərin həllinə də kömək edəcək: “Düşünürəm ki, yeni qanun istehlakçıların etibarlı və təhlükəsiz enerji ilə təchiz edilməsi kimi vacib vəzifələrin yerinə yetirilməsi üçün mühüm hüquqi baza olacaq”.

Oxşar xəbərlər

Milli Məclisə "İstilik təchizatı haqqında" yeni qanun layihəsi daxil olub

"İstilik təchizatı haqqında" qanunun qəbulunun mümkün nəticələri açıqlanıb

"İstilik təchizatı haqqında" qanun layihəsi parlamentə daxil olub

İstilik enerjisi istehsalçısı, paylayıcısı və satıcısının hüquq və vəzifələri müəyyənləşir

2028-ci il iyulun 1-dən istilik təchizatı sektorunda qiymətlər yeni qaydada tənzimlənəcək