Avropa İttifaqı ölkələrində yeraltı qaz anbarlarının dolumluluq səviyyəsi üç ildən artıq müddətdə ilk dəfə olaraq 34%-dən aşağı enib.

Bu barədə “APA-Economics” Avropa Qaz İnfrastruktur Operatorları Assosiasiyasına (Gas Infrastructure Europe, GIE) istinadən xəbər verir.

Məlumata görə, Aİ ölkələrində anbarların dolumluluq səviyyəsi 33,69% təşkil edir, bu da son beş il ərzində bu tarix üçün orta göstəricidən 11,43 faiz bəndi azdır.

Qeyd olunub ki, Aİ ölkələri istilik mövsümü başlayandan bəri yeraltı anbarlardan təxminən 74,5 mlrd. Kubmetr qaz çıxarıb. Avropada istilik mövsümü 29 oktyabr 2024-cü ildə başlayıb.

Bildirilib ki, hazırda anbarlardakı qazın ümumi həcmi 37,3 mlrd. kubmetr təşkil edir.

Xatırladaq ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.

Oxşar xəbərlər

Aİ ölkələrinin yeraltı anbarlarında qazın həcmi 38 mlrd. kubmetrə enib

Aİ-də qaz anbarlarının dolumluluq səviyyəsi 55%-dən aşağı enib

Avropada yeraltı qaz anbarlarının ehtiyatları 40 mlrd. kubmetrdən aşağı enib

Avropa ölkələrinın istilik mövsümündə anbarlardan çıxardığı qazın həcmi açıqlanıb

Aİ-də qaz anbarlarının ehtiyatları 100 mlrd. kubmetrə yaxınlaşıb