2026-cı il dünya çempionatında 1/16 final mərhələsinin növbəti oyunu keçirilir.

Apasport.az xəbər verir ki, pley-off mərhələsində Belçika və Seneqal milliləri üz-üzə gəlir.

Görüş Bakı vaxtı ilə saat 00:00-da başlayıb.

İlk hissə Seneqalın 1:0-lıq üstünlüyü ilə bitib. 25-ci dəqiqədə Diarra fərqlənib. Afrika təmsilçisi ikinci hissəyə də qolla başlayıb. Bu dəfə İsmaila arr dəqiq oynayıb: 2:0.

86-cı dəqiqədə Belçika Lukakunun qoluyla hesab arasındakı fərqi azaldıb. 3 dəqiqə sonra avropalılar bərabərlik qolunu da vurub. Tilemans başla dəqiq oynayıb: 2:2.

Oyunun əsas vaxtında başqa qol olmayıb və görüş əlavə vaxta gedib.

Əlavə vaxtın ikinci hissəsinin son dəqiqəsində Belçika penalti qazanıb. Topun arxasına keçən Tilemans dəqiq oynayıb və Belçikanı 1/8 final mərhələsinə aparan qolu vurub: 3:2.

"Qırmızı şeytanlar" hesabı 0:2-dən 3:2 edərək adını növbəti mərhələyə yazdırmağı bacarıb.

Belçika 1/8 finalda ABŞ – Bosniya və Herseqovina duelinin qalibi ilə üz-üzə gələcək.

DÇ-2026
1/16 final
2 iyul
00:00. Belçika - Seneqal 3:2

Qol: H. Diarra, 25, İ. Sarr, 51, Lukaku, 86, Tilemans, 89, 120+5

Belçika: Kurtua, Kastan, Meşele, Teate, De Kuyper, Tilemans, Vanaken, Trossar, De Bruyne, Doku, De Ketelare

Seneqal: Diau, Jakobs, Niakhate, Ciss, Diatta, Qeye, Qeye, Mane, Sarr, Ndiaye, Diarra

Oxşar xəbərlər

DÇ-2026: Seneqala əlavə vaxtda vurduğu qolla qalib gələn Belçika 1/8 finala yüksəlib - YENİLƏNİB-9

DÇ-26: Braziliya 1/8 finala çıxıb

DÇ-26: Niderland İsveçi darmadağın etdi

DÇ-2026: Argentina Avstriyanı məğlub edib, Messi iki qolla tarixə düşüb

DÇ-26: Fransa 3 xalı 3 qolla qazandı