ABŞ-ın Energetika Nazirliyi yanında Energetika İnformasiyası Administrasiyası (EIA) 2025-2026-cı illər üçün maye karbohidrogenlərin gündəlik qlobal tələbatı üzrə proqnozunu yeniləyib.

"APA-Economics"in EIA-nın aylıq hesabatına istinadən verdiyi məlumata görə, bu il maye karbohidrogenlərə olan qlobal gündəlik tələbat ortalama 104,13 mln. barel səviyyəsində olacaq, bu da öncə verilən proqnozdan 0,01 mln. barel azdır.

EIA-nın proqnozuna əsasən, 2026-cı ildə qeyd olunan göstəricinin 105,3 barel səviyyəsində olacağı ehtimal olunur (öncəki proqnoz göstərici – 105,18 mln. barel)

Qeyd olunur ki, 2024-cü ildə maye karbohidrogenlərə olan qlobal gündəlik tələbat ortalama 102,86 mln. barel təşkil edib, bu da 2023-cü ilin göstəricisi (102,14 mln. barel) ilə müqayisədə 0,72 mln. barel artım deməkdir.

Xatırladaq ki, 2022-ci ildə maye karbohidrogenlərə olan qlobal gündəlik tələbat ortalama 99,15 mln. barel olub. 2021-ci ildə bu göstərici 97,56 mln. barel, 2020-ci ildə - 91,81 mln. barel, 2019-cu ildə isə bu göstərici 101,23 dollar səviyyəsində olub.

Oxşar xəbərlər

Maye karbohidrogenlərin qlobal tələbatının artım tempi cüzi sürətlənəcək

EIA gələn il üçün maye karbohidrogenlərin qlobal tələbatı üzrə proqnozunu açıqlayıb

EIA qlobal neft tələbatı üzrə proqnozunu artırıb

EIA bu il üçün qlobal neft tələbatı üzrə proqnozunu cüzi artırıb

Qlobal neft hasilatının artım tempi daha da sürətlənəcək - PROQNOZ