Bu ilin yanvar-sentyabr aylarında Azərbaycanın magistral qaz kəmərləri ilə yükdaşımalardan əldə etdiyi gəlirləri 1 999 005 min manat təşkil edib, bu da illik müqayisədə 5,7% artım deməkdir.

Dövlət Statistika Komitəsindən “APA-Economics”ə verilən məlumata görə, ötən ilin müvafiq dövründə sözügedən göstərici 1 891 727,3 min manat səviyyəsində olub.

Qeyd edək ki, cari ilin yanvar-sentyabr aylarında Azərbaycanda magistral qaz kəmərləri ilə 29 571,2 mln. kubmetr qaz nəql edilib və əvvəlki ilin göstəricisinə nisbətən 0,5% artım müşahidə olunub. Qaz nəqlinin 56,8%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Hesabat dövründə bu kəmərlə 16 802,8 mln. kubmetr qaz ötürülüb (2,34%-lik artım).

Xatırladaq ki, ötən il Azərbaycanın magistral qaz kəmərləri ilə yükdaşımalardan əldə etdiyi gəlirləri 2 516 082,5 min manat təşkil edib, bu da illik müqayisədə 8,1% artım deməkdir. Ötən il Azərbaycanda magistral qaz kəmərləri ilə 39 283,3 mln. kubmetr qaz nəql edilib və əvvəlki ilin göstəricisinə nisbətən 0,1% artım müşahidə olunub. Qaz nəqlinin əksər hissəsi Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Hesabat dövründə bu kəmərlə 21 800,1 mln. kubmetr qaz ötürülüb (2022-ci ilin göstəricisi ilə müqayisədə 4,8%-lik artım).

Oxşar xəbərlər

Azərbaycanın magistral qaz kəmərlərindən əldə etdiyi gəlirlər artıb [xfgiven_updateblue][/xfgiven_updateblue]

Azərbaycanda magistral qaz kəmərlərində itkilər kəskin azalıb [xfgiven_updateblue][/xfgiven_updateblue]

Azərbaycanda magistral kəmərlərlə qazın nəqli artıb [xfgiven_updateblue][/xfgiven_updateblue]

Azərbaycanın magistral neft kəmərlərindən gəlirləri azalıb [xfgiven_updateblue][/xfgiven_updateblue]

Azərbaycanın magistral neft kəmərlərindən gəlirləri artıb [xfgiven_updateblue][/xfgiven_updateblue]