Hesablama Palatası ilə Sertifikatlaşdırılmış Mühasiblər Assosiasiyası (ACCA) arasında əməkdaşlıq imkanları müzakirə olunub.

“Sizinxeber.az” bu barədə Palataya istinadən xəbər verir .

Məlumata görə, qurumda ACCA-nın Avropa, Avrasiya, Yaxın Şərq, Şimali və Cənubi Amerika üzrə direktoru Maqdalena Hernandezin rəhbərlik etdiyi nümayəndə heyəti ilə görüş keçirilib. Görüşdə Hesablama Palatasının auditoru, aparat rəhbəri və struktur bölmə rəhbərləri iştirak ediblər.

Tərəflər peşəkar inkişafın təşviqi, təlimlərin əhəmiyyəti və gələcək əməkdaşlıq istiqamətləri barədə fikir mübadiləsi aparıblar. Qonaqlara Palatanın beynəlxalq əlaqələri, təlim fəaliyyəti və ACCA proqramlarını uğurla başa vuran əməkdaşlar haqqında ətraflı məlumat təqdim olunub.

M.Hernandez təlimlərə göstərilən maraqdan məmnunluğunu ifadə edib, qarşılıqlı maraq doğuran sahələr üzrə əməkdaşlığın vacibliyini vurğulayıb. O, həmçinin Azərbaycandakı ACCA fəaliyyəti, tərəfdaş dövlət qurumları və təhsil müəssisələri barədə məlumat verib.

Oxşar xəbərlər

Beynəlxalq Mühasiblər Federasiyasının (İFAC) prezidenti UNEC-də olub

Qiymətləndiricilər Palatası Mediasiya Şurası ilə əməkdaşlıq edəcək

Avrasiya İnkişaf Bankı Azərbaycanda bəzi layihələri maliyyələşdirə bilər

Hesablama Palatası: Hüquqi aktlarda boşluqlar artıq ödənişlərlə nəticələnir

Hesablama Palatası büdcənin icrası haqqında qanun layihəsinə rəy verib