Ermənistanın ikinci prezidenti, “Ermənistan” blokunun lideri Robert Köçəryan 44 günlük müharibə zamanı “vəziyyəti həll etmək üçün əlaqələrindən istifadə etməyə çalışdığını” iddia edib.

Axar.az xəbər verir ki, o, bu barədə seçki təbliğatı çərçivəsində seçicilərlə görüşündə deyib.

Köçəryanın sözlərinə görə, hərbi əməliyyatların başlamasından 3-4 gün sonra artıq ona aydın olub ki, Qarabağda baş verənlər “yaxşı bitməyəcək”:

“O vaxt ölkəni tərk etməyim qadağan olunmuşdu, amma hakim getməyə icazə verdi. Daha sonra koronavirus testi verdim və tamamilə sağlam olmağıma baxmayaraq, testim müsbət çıxdı. Dörd-beş ekspress test aldıq: hamısı mənfi çıxdı. Hətta burada belə, məni müharibəni dayandırmaq imkanından məhrum etmək üçün əllərindən gələni etdilər”.

Qeyd edək ki, Robert Köçəryan yalan danışır və seçicilərinin yaddaşsızlığına stavka edir. O, müharibənin 3-cü günü, 29 sentyabrda Xankəndiyə gəlmiş və burada bir neçə gün qalmışdı.

Onun Moskvaya getməsi və dostu saydığı Rusiya lideri Vladimir Putinlə görüşüb, yardım istəməsi ideyasını Ermənistanın birinci prezidenti Levon Ter-Petrosyan xeyli sonra irəli sürmüşdü. Bundan sonra məhkəmə Köçəryanın ölkədən çıxışına qoyulan qadağanı qaldırmışdı. Köçəryana Moskvaya təcili getməsi üçün xüsusi təyyarə də ayrılmışdı. Lakin 30 oktyabr 2020-ci ildə Köçəryan “qəfildən” koronavirusa yoluxdu və Moskvaya səfəri təxirə salındı. “Xəstələnmə” məlumatını isə Köçəryanın öz ofisi yaydı. Hələ o zaman Köçəryanın koronovirus testinin “müsbət” çıxmasının səbəbi kimi “əlaqələrindən istifadə cəhdlərinin uğursuz olması” barədə məlumat yayıldı.

Oxşar xəbərlər

Rusiya Azərbaycanla müharibə başladacaq, əgər... - Melkonyan

Arkadi Qukasyan: Robert Köçəryan “Krunq” təşkilatının üzvü idi

Zelenskinin İrəvana səfər etməsi... - Köçəryan

Paşinyan “Sezar”la fəxr edir: niyə qat-qat ucuzunu almadı?

Ermənistan müxalifəti baş nazir postuna Köçəryanın namizədliyini irəli sürüb