2024-cü ildə Azərbaycanda yol vergisi üzrə daxilolmalar 127,4 milyon manat proqnoza qarşı icra 135,9 milyon manat (8,5 milyon manat və yaxud 6,7 % çox) icra olunub.

"Sizinxeber.az" bu barədə "2024-cü il dövlət büdcəsinin icrası haqqında" qanun layihəsinə istinadən xəbər verir.

Məlumata görə, ölkə daxilində tətbiq edilən yol vergisi üzrə 90,4 milyon manat proqnoza qarşı icra 91,5 milyon manat və ya 1,1 milyon manat (1,2 %) çox olub. 2023-cü illə müqayisədə isə 3 milyon manat və ya 3,2 % azalma olub ki, bu da ölkə daxilində istehsal olunan neft məhsullarının həcminin azalması ilə əlaqədardır.

Azərbaycanın ərazisinə idxal olunan yanacağa görə və xarici dövlətlərdə qeydiyyatda olan avtonəqliyyat vasitələri sahibləri tərəfindən ödənilən yol vergisi üzrə 44,4 milyon manat daxilolma olub ki, bu proqnozdan 7,4 milyon manat və ya 20 %, 2023-cü illə müqayisədə isə 1,6 milyon manat 3,7 % çoxdur. Daxilolmaların proqnozdan artıq icra olunmasına Yanacaq Enerji Balansına (YEB) əsasən idxal olunan avtomobil benzininin həcminin proqnozlaşdırılandan çox təşkil etməsi ilə bağlı olub. Belə ki, Azərbaycanın ərazisinə idxal olunan Aİ-92 markalı benzin üzrə nəzərdə tutulandan 52,2 % və ya 87,8 min ton, Aİ-95 markalı benzin üzrə isə 5,6 % və ya 7,4 min ton çox təşkil edib.

Oxşar xəbərlər

Azərbaycanda aksiz vergisi üzrə daxilolmalar 7 % artıb

Azərbaycanda hüquqi şəxslərin mənfəət vergisi üzrə daxilolmalar 15 %-dən çox azalıb

Azərbaycanda fiziki şəxslərin gəlir vergisi üzrə daxilolmalar 11 %-ə yaxın artıb

Azərbaycanda sadələşdirimiş vergi üzrə daxilolmalar 7 %-dən çox artıb

Azərbaycanda gömrük rüsumları üzrə daxilolmalar 23 %-dən çox azalıb