Bu gün Maliyyə Nazirliyinin Büdcə Məlumatlarının İdarəetmə Sistemində (BMİS) dövlət borcu üzrə hesabatlıq funksionallığını təmin edən elektron modulun təqdimatı keçirilib. 

"Report" bu barədə Maliyyə Nazirliyinə istinadən xəbər verir. 

Məlumata görə, yeni modulun əsas məqsədi kredit sazişləri çərçivəsində kredit vəsaitlərindən istifadə üzrə layihə idarəetmə qruplarının, icraçı qurumların və əsas borcalanların Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyinə təqdim etdiyi hesabatları elektronlaşdırmaq, prosesin səmərəliliyini artırmaq, məlumat dövriyyəsini avtomatlaşdırmaqdır. Həmçinin adıçəkilən modulun tətbiqi ilə hesabatların toplanması və emal proseslərinin operativliyi artırılacaq, vaxt itkisinin qarşısı alınacaq, məlumatların təhlükəsizliyi və etibarlılığı təmin ediləcək.

13 dövlət qurumunun nümayəndələrinin iştirak etdiyi tədbirdə qeyd olunub ki, BMİS-də dövlət borcu üzrə hesabatlıq funksionallığını təmin edən elektron modulun istifadəyə verilməsi Maliyyə Nazirliyinin rəqəmsal idarəetmənin gücləndirilməsi və innovativ texnologiyaların tətbiqi istiqamətində apardığı ardıcıl, məqsədyönlü və institusional islahatların tərkib hissəsidir. 

Oxşar xəbərlər

Dövlət borcu üzrə hesabatlıq funksionallığını təmin edən elektron modul istifadəyə verilib

Azərbaycanın dövlət borcunun ÜDM-yə nisbətinin yuxarı həddən 8,8 faiz bəndi az olub

Çexiyanın dövlət borcu ilin əvvəlindən təxminən 10 milyard dollar artıb

Azərbaycan ötən il 1,3 milyard manat borc qaytarıb

Azərbaycanın dövlət borcu ötən il ÜDM-in 21,7 %-ni təşkil edib