Bakıda Abbasqulu ağa Bakıxanov küçəsinin bir hissəsində təmir işlərinə başlanılacaq.

APA xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Bildirilib ki, vətəndaşların rahat gediş-gəlişinin təmin olunması məqsədilə iyunun 26-sı səhər saatlarından Abbasqulu ağa Bakıxanov küçəsinin Rəşid Behbudov küçəsi ilə kəsişməsindən Azadlıq prospektinədək olan hissəsində təmir işləri aparılacaq.

Bu səbəbdən qeyd olunan ərazidə görülən işlərdən asılı olaraq nəqliyyat vasitələrinin hərəkəti qismən və ya tam məhdudlaşdırılacaq. Məhdudiyyət təmir işləri başa çatanadək qüvvədə olacaq.

AAYDA sürücülərdən hərəkətlərini əvvəlcədən planlaşdırmağı və istiqamətlərinə uyğun alternativ marşrutlardan istifadə etməyi xahiş edib.

Oxşar xəbərlər

Bakının bəzi küçələrində nəqliyyatın hərəkəti məhdudlaşdırılacaq

Bakının Rəşid Behbudov küçəsində təmir işləri aparılacaq

Bakının iki mərkəzi küçəsində təmirlə əlaqədar avtomobillərin hərəkəti məhdudlaşdırılacaq

AAYDA: Bakının İzmir küçəsində nəqliyyatın hərəkəti məhdudlaşdırılacaq

Bakıda 3 ünvanda rahat gediş-gəliş üçün təmir işləri aparılacaq