Azərbaycan mayın 4-7-də İtaliyanın Milan şəhərində keçirilmiş Asiya İnkişaf Bankının (ADB) Rəhbərlər Şurasının 58-ci İllik Toplantısında təmsil olunub.

"Report" Maliyyə Nazirliyinə istinadən xəbər verir ki, "Təcrübə Paylaşımı və Sabahın Qurulması" devizi altında keçirilən tədbirdə ölkəmizi nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyinin direktoru Azər Mursaqulovun rəhbərlik etdiyi nümayəndə heyəti ilə təmsil edib.

İllik toplantı çərçivəsində Azərbaycan nümayəndə heyəti bankın Direktorlar Şurasında ölkəmizi təmsil edən icraçı direktor xanım Reyçl Tompson, ADB-nin Mərkəzi və Qərbi Asiya Regional Departamentinin Baş direktoru Yevgeni Jukov və OPEC Beynəlxalq İnkişaf Fondunun İctimai Sektor və Strategiya üzrə vitse-prezidenti Haimaa Al-Sheiby ilə ikitərəfli görüşlər keçirib. Görüşlərdə mövcud əməkdaşlıq, habelə ölkənin prioritet müəyyən etdiyi layihələrin, xüsusilə nəqliyyat, su və kanalizasiya sahələrində layihələrin maliyyələşdirilməsi imkanları müzakirə edilib.

1966-cı ildə təsis edilən ADB-nin əsas məqsədi üzv ölkələrin iqtisadi inkişafına dəstək olmaqla yoxsulluğun aradan qaldırılması və əhalinin həyat səviyyəsinin yaxşılaşdırılmasına yardım etməkdir. Azərbaycan 1999-cu ildə banka üzv olub. ADB-in 48-ci illik toplantısı 2015-ci ildə Bakıda keçirilib.

Oxşar xəbərlər

Azərbaycan Mərkəzi Bankının nümayəndə heyəti ABŞ-yə işgüzar səfər edib

Azərbaycan Dünya Bankının PEMPAL proqramının plenar iclasında təmsil olunub

Azərbaycan IRENA Şurasının toplantısında təmsil olunub

Azərbaycan ABŞ-də keçiriləcək regional maliyyə konfransında təmsil olunacaq

SOCAR İtaliya bankından maliyyə vəsaiti cəlb edir