“Comex”də (Nyu-York Əmtəə Birjasının bölməsi) 2025-ci ilin iyun ayında təhvil verilməsi nəzərdə tutulan qızıl fyuçersinin qiyməti troya unsiyası üçün 3 500 dollar səviyyəsini keçərək tarixi maksimumu yeniləyib.

“Report” xəbər verir ki, bu, hərrac meydançasının məlumatlarında əks olunub.

Bakı vaxtı ilə saat 07:30-a olan məlumata görə, qızılın qiyməti 4,59 % artaraq unsiya üçün 3 500,1 dollara çatıb.

Saat 07:51-ə qızıl artımını sürətləndirərək unsiya üçün 3 504,2 dollar səviyyəsində hərrac olunurdu.

Eyni zamanda, London ICE birjasında 2025-ci ilin iyun ayında təhvil verilməsi nəzərdə tutulan “Brent” markalı neft fyuçersinin qiyməti 0,12 % artaraq barrel üçün 66,56 dollar təşkil edib. Cari ilin iyun ayında təhvil verilməsi nəzərdə tutulan WTI markalı neft fyuçersinin qiyməti isə 2,62 % azalaraq barrel üçün 62,77 dollar səviyyəsində qərarlaşıb.

Oxşar xəbərlər

“Brent” neftinin qiyməti dörd ilin minimumuna düşüb

Qızıl fyuçersinin qiyməti tarixi maksimumu yeniləyərək 3 350 dolları ötüb

Qızılın qiyməti tarixi maksimumu yeniləyib

Qızılın qiyməti gün ərzində ikinci dəfə tarixi maksimumu yeniləyib

ABŞ-də neft ehtiyatları həftə ərzində 2,1 milyon barrel artıb