Cari ilin sonunadək qüvvədə olan bir sıra mis məmulatlarına tətbiq olunan artırılmış ixrac rüsumlarının qüvvədə olma müddəti uzadılır.

APA xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, 31 dekabr 2024-cü ilə qədər olan müddət 31 dekabr 2029-cu il tarixinədək uzadılır.

Başqa sözlə, 31 dekabr 2029-cu il tarixinədək mis məmulatlarına 10 %, lakin 1000 kq-a 300 ABŞ dollarından az olmamaqla ixrac gömrük rüsumu tətbiq ediləcək.

Qərara əsasən, eyni zamanda ixrac rüsumlarından yayınmanın qarşısının alınması məqsədilə 2026-cı il yanvarın 1-dən bir sıra əlavə mis məmulatları üzrə ixrac rüsumları da artırılır, 31 dekabr 029-cu il tarixinədək 1000 kq üçün 300 ABŞ dolları olacaq.

Oxşar xəbərlər

Azərbaycanda metal tullantılarının ixrac rüsumları artırılıb

Azərbaycana velosiped və skuter ehtiyat hissələrinin idxalı 2028-ci ilə qədər gömrük rüsumundan azad edilib

Azərbaycandan bu il ixrac olunan alüminiumun həcmi açıqlanıb