Azərbaycan və Birləşmiş Ərəb Əmirliklərinin (BƏƏ) kapital bazarı iştirakçıları arasında əməkdaşlıq əlaqələri qurulub.

"Sizinxeber.az" bu barədə “Bakı Fond Birjası” QSC-yə (BFB) istinadən xəbər verir.

Məlumata görə, BFB-nin nümayəndə heyəti 1-4 oktyabrda BƏƏ-yə işgüzar səfər edib. Səfər çərçivəsində Dubay Maliyyə Bazarı (DFM), Dubay İqtisadi İnkişaf Korporasiyası (DED) və "Abu-Dabi Fond Birjası"nın (ADX) rəhbər heyəti ilə görüşlər keçirilib. Görüşlər zamanı ölklələrin kapital bazarlarının inkişaf tarixi və perspektivləri, fond bazarları arasında təcrübə mübadiləsi və yaxın gələcəkdə qarşılıqlı əməkdaşlığın istiqamətləri haqda müzakirələr aparılıb. BƏƏ-nin fond bazarlarına ticarət platformaları üzərindən inteqrasiya hər iki ölkədən olan investorlar üçün kapital bazarlarına çıxışa, bazar alətlərinin genişləndirilməsinə, o cümlədən likvidliyin artırılmasına xidmət edən təşəbbüslərdən biridir.

Habelə, nümayəndə heyəti BƏƏ-nin kapital bazarlarının aparıcı investisiya şirkətlərindən olan “Emirates NBD Capital”, “BHM Capital Financial Services” və “Nomura Asset Management” şirkətlərlərinin rəhbər heyətinin nümayəndələri ilə islam investisiyaları, sukuk istiqrazlarının buraxılışı imkanlarının, market meyker fəaliyyətinin və kapital bazarlarında tətbiq edilən texnoloji nailiyyətlərin öyrənilməsi istiqamətində əməkdaşlıq əlaqələri qurub.

BFB-də hesab edirlər ki, fond bazarları arasında olan qarşılıqlı əməkdaşlıq hər iki ölkə arasında mövcud sıx iqtisadi münasibətlərə dəstək verəcək və eyni zamanda yerli şirkətlərin kapital bazarları ilə inkişafında mühüm rol oynayacaq.

Oxşar xəbərlər

AFBİA: Kapital bazarında alət qıtlığı investorların marağının qarşısını alır

"Bakı Fond Birjası"nın dövriyyəsi 2 dəfədən çox artıb

Azərbaycan kapital bazarında diaqnostikanın aparılması gözlənilir

AMB: Azərbaycanda yeni maliyyə alətlərinin hüquqi bazası formalaşdırılacaq