Bu il təsdiq edilmiş dövlət büdcəsində nəzərdə tutulmadığı halda ssudalar verilib.

“Sizinxeber.az-Economics” xəbər verir ki, bu barədə Hesablama Palatasının 2024-cü ilin yanvar-iyun ayları üzrə icra edilmiş dövlət büdcəsinin parametrlərinin təhlili barədə hesabatda bildirilib.

Qeyd edilib ki, 2024-cü il 01 iyul tarixinə vahid xəzinə hesabının sərbəst qalığı 3391,8 mln. manata bərabər olmaqla, ilin əvvəli ilə müqayisədə 2421,2 mln. manat artmışdır. Sərbəst qalığın artması baxılan dövrün yanvar və aprel aylarında əhəmiyyətli profisitin qeydə alınması və bu aylarda profisitli büdcə şəraitində kəsirin maliyyələşdirilməsindən daxilolmalarla əlaqəli olmuşdur. 1-ci yarımil üzrə profisitin nəzərdə tutulması və faktiki olaraq qeydə alınması fonunda hesabat dövrünün bütün aylarında sərbəst qalığın idarəetmədən kənarda qalan hissəsi idarəetməyə verilmiş vəsait həcmini üstələyib.

Yanvar və fevral aylarında Dövlət Neft Fondunda idarəetmədə olan 480,0 mln. ABŞ dolları mart ayında geri çağırılmış, növbəti aylarda sərbəst qalıq vəsaiti idarəetməyə verilməmişdir. Bununla da, sərbəst qalığın xarici valyutada idarəetməyə verilən hissəsi sıfırlanıb.

Bildirilib ki, idarəetməyə verilmiş 0,6 mln. manatdan əlavə, idarəetməyə verilmiş “Digər” vəsaitlərin həcmi növbəti aylarda davamlı artaraq, dövrün sonuna 1190,9 mln. manata yüksəlmişdir ki, bu da 2024-cü ilin dövlət büdcəsində nəzərdə tutulmadığı halda büdcə ssudalarının verildiyini deməyə imkan verir.

Oxşar xəbərlər

Bu il vergi ödəyicilərinin büdcəyə olan borcları 500 mln. manatdan çox artıb

Dövlət büdcəsinin profisiti 3 dəfəyə yaxın artıb

Palata dövlət büdcəsinin icrası üzrə əsas riskləri açıqlayıb

“Dövlət satınalmaları haqqında” qanunun tətbiqində mövcud çətinliklər açıqlanıb

Azərbaycanda könüllü sığorta 12%, icbari sığorta isə 3% artıb