Şərqi Zəngəzur iqtisadi rayonuna yatırımların həcmi 4 milyard manatı ötüb.

"APA-Economics" bu barədə Dövlət Statistika Komitəsinə istinadən xəbər verir. Məlumata görə, ötən il iqtisadi rayona 4 milyard 11,13 milyon manat investisiya yatırılıb. Bu isə 2022-ci ilə nisbətən 80,7 % çoxdur. Belə ki, 2022-ci ildə bu rəqəm 2 milyard 219,4 milyon manat təşkil edib.

Şərqi Zəngəzur iqtisadi rayonunda ən çox yatırım Laçın rayonuna aiddir - 1 milyard 550,7 milyon manat. İnvestisiyaların həcminə görə 919,8 milyon manatla Kəlbəcər rayonu siyahıda ikincidir. İnvestisiyaların 671,9 milyon manatı Cəbrayıl rayonunun, 587,8 milyon manatı Zəngilan rayonunun və 280,96 milyon manatı isə Qubadlı rayonunun payına düşüb.

Oxşar xəbərlər

Şərqi Zəngəzur iqtisadi rayonuna investisiya qoyuluşu 81 %-ə yaxın artıb

Xankəndiyə ilk investisiyaların həcmi açıqlanıb

Yeddi ayda əsas kapitala 10 mlrd. manat vəsait yönəldilib

Yeddi ayda əsas kapitala 10 mlrd. manata yaxın vəsait yönəldilib