Bakı Beynəlxalq Dəniz Ticarət Limanının “Azərbaycan Dəmir Yolları” (ADY) QSC-yə birləşdirilməsi Orta Dəhlizin inkişaf dinamikasına müsbət təsir göstərəcək.

Bunu “Sizinxeber.az”a müsahibəsində “Transxəzər Beynəlxalq Nəqliyyat Marşrutu” Beynəlxalq Assosiasiyasının baş katibi Qaydar Abdikerimov bildirib.

“Biz inteqrasiya prosesini diqqətlə izləyirik və əminik ki, uzunmüddətli perspektivdə bu, logistika sisteminin səmərəliliyinin artmasına gətirib çıxaracaq. İki əsas infrastruktur obyektinin – Bakı limanı və ADY-nin birləşdirilməsi yüklərin aşırılma vaxtını əhəmiyyətli dərəcədə azalda, daşımaların koordinasiyasını yaxşılaşdıra və tranzit axınları üçün vahid idarəetmə həlqəsi yarada bilər. Bu, öz növbəsində, Orta Dəhlizin inkişaf dinamikasına və onun beynəlxalq səviyyədə rəqabət qabiliyyətinə müsbət təsir göstərəcək”, - qeyd edib.

Xatırladaq ki, 2025-ci il fevralın 25-də Prezident İlham Əliyev “Azərbaycan Dəmir Yolları” QSC-nin yenidən təşkili haqqında fərman imzalayıb. Fərmana əsasən, ADY “Bakı Beynəlxalq Dəniz Ticarət Limanı” QSC-nin ona qoşulması ilə yenidən təşkil edilir.

Müsahibənin tam mətni ilə buradan tanış olmaq mümkündür.

Oxşar xəbərlər

Qaydar Abdikerimov: “Orta Dəhlizlə daşımaların həcminin 6 dəfəyə qədər artırılması planlaşdırılır”

TBNM-in baş katibi: “Orta Dəhliz çərçivəsində vahid rəqəmsal platforma yaradılır”

Qazaxıstan "Azərbaycan Dəmir Yolları"na vaqon dəstəyi göstərəcək

Qazaxıstan Azərbaycana vaqon dəstəyi göstərəcək

Baş katib: Orta Dəhlizin rəqəmsallaşdırılması hava kimi zəruri bir şərtdir