Hazırda Orta Dəhliz (Transxəzər Beynəlxalq Nəqliyyat Marşrutu) çərçivəsində vahid rəqəmsal platforma fəal şəkildə inkişaf etdirilir.

Bunu “Report”a müsahibəsində TBNM-in baş katibi Qaydar Abdikerimov bildirib.

"Bildiyiniz kimi, təkmilləşdirmələrin sonu yoxdur. Biz daim dəhlizin rəqəmsallaşdırılması üzərində işləyirik. Artıq ilk addımlar atılıb və hazırda "Digital Transport Corridor" adı ilə vahid rəqəmsal platforma fəal şəkildə inkişaf etdirilir. Bu sistem dövlət orqanları - gömrük, fitosanitar və sərhəd nəzarəti ilə qarşılıqlı əlaqəni inteqrasiya etməyə imkan verəcək. Biz həmçinin müxtəlif nəqliyyat növlərinin daha sıx inteqrasiyasını da planlaşdırırıq.

Başladılan layihələrdən biri olan "Test Customs" artıq Qazaxıstan və Çin sərhədində fəaliyyət göstərir. O, tranzit bəyannamələrini cəmi 20 dəqiqə ərzində avtomatik olaraq rəsmiləşdirməyə imkan verir ki, bu da konteynerlərin daşınması prosesini əhəmiyyətli dərəcədə sürətləndirir”, - o qeyd edib.

Müsahibənin tam mətni ilə buradan tanış olmaq mümkündür.

Oxşar xəbərlər

Orta Dəhliz üçün hazırlanmış rəqəmsal platforma rəsmən istifadəyə verilib

ADY: Orta Dəhlizlə bağlı əsas problemlərdən biri vahid rəqəmsal platformanın olmamasıdır

Baş katib: "Orta Dəhlizə yeni ölkələrin cəlb edilməsi üçün danışıqlar aparılır" - MÜSAHİBƏ

Qazaxıstan hökuməti: Cənub-Şərqi Asiya, Fars körfəzi və Avropa ölkələri TBNM-in inkişafında maraqlıdır

Rumıniya və Qazaxıstan Orta Dəhlizin inkişafı üzrə iş aparır