594 nömrəli Bakı-Sumqayıt ekspres marşrutu üzrə sərnişinlərin daşınması “BakuBus” MMC-nin 17 “Neoplan” markalı avtobusları ilə 8 dəqiqəlik hərəkət intervalı ilə həyata keçiriləcək.

Sizinxeber.az AYNA-ya istinadən xəbər verir ki, Sumqayıt Avtovağzalından yola düşən avtobusların aralıq dayanacaq məntəqələri “Bağça Şəhər” yaşayış kompleksi, Sumqayıt dairəsi və Ceyranbatan qəsəbəsi, son dayanacağı isə “20 Yanvar” metrostansiyası (“Azərsu” ASC-nin inzibati binasının yaxınlığı) təyin edilib.

Əks istiqamətdə isə başlanğıcını metrostansiyanın Sumqayıt istiqamətinə olan çıxışında götürən avtobuslar marşrut üzərindəki eyni dayanacaqlarda saxlamaqla hərəkət edəcək.

Sumqayıtdan avtobusların ilk çıxışı saat 05:50, Bakıdan saat 06:20-də, son çıxışı isə Sumqayıtdan saat 22:30, Bakıdan saat 23:00-dadır.

Ekspres xətt üzrə gediş haqqı 0.80 AZN müəyyən edilib və ödənişlər nağdsız qaydada həyata keçiriləcək.

Oxşar xəbərlər

“20 Yanvar” metrostansiyasından Sumqayıta marşrut xətti istifadəyə verilir

Bakı-Sumqayıt istiqamətində yeni ekspres marşrutu istifadəyə verilir

COP29-la əlaqədar 57 avtobusun hərəkət sxemi dəyişdirilir

ADY: Bakı-Xırdalan-Sumqayıt marşrutu üzrə reyslər artırılır

Sabahdan Bakıda yeni ekspres marşrutu fəaliyyətə başlayacaq