“Azərbaycan Dəmir Yolları” Qapalı Səhmdar Cəmiyyətinin (ADY) şəhərətrafı marşrutlarla hərəkət edən qatarları yeni dərs ilinin başlaması ilə əlaqədar sərnişin tələbatını təmin etmək məqsədilə 16 sentyabr 2024-cü il tarixindən yenilənmiş hərəkət cədvəli ilə xidmət göstərəcək.

ADY-dən "APA-Economics"ə verilən məlumata görə, yeni hərəkət qrafikinə əsasən, Bakı-Xırdalan-Sumqayıt marşrutu üzrə gediş-gəliş reyslərinin sayı 20-dən 24-ə, Bakı-Pirşağı-Sumqayıt xətti üzrə isə 36-dan 42-yə çatdırılıb.

Yenilənmiş qrafikə uyğun olaraq, Bakı-Xırdalan-Sumqayıt marşrutu üzrə Bakıdan 13, Sumqayıtdan 11 reys, Bakı-Pirşağı-Sumqayıt xəttində isə Bakıdan 20, Sumqayıtdan 22 reys təşkil ediləcək.

ADY sərnişindaşıma xidmətinin keyfiyyətini yüksəltmək üçün Pirşağı-Sumqayıt sahəsində infrastrukturu sağlamlaşdırır. Təmir işlərinin qismən tamamlanması nəticəsində Bakı-Pirşağı-Sumqayıt xətti üzrə sərnişinlərin çoxdan gözlədiyi 4 ənənəvi səhər reysi bərpa olunub, bununla yanaşı, biri səhər, biri axşam olmaqla 2 yeni reys əlavə edilib.

Bakı-Xırdalan-Sumqayıt marşrutunun yenilənmiş qrafikində isə Bakı-Xırdalan, Bakı-Sumqayıt və Xırdalan-Bakı istiqamətində 3 yeni axşam reysi, Sumqayıt-Bakı istiqamətinə isə 1 yeni səhər reysi əlavə olunub.

ADY hərəkət qrafikinə edilmiş dəyişikliklərlə sərnişindaşıma xidmətini sərnişinlərin ehtiyaclarına uyğunlaşdırmağı və dəmir yolları ilə səfər təcrübəsini daha komfortlu və təhlükəsiz etməyi hədəfləyir.

Qeyd edək ki, Pirşağı-Sumqayıt sahəsində davam edən təmir-sağlamlaşdırma işlərinin bu ilin sonunadək yekunlaşmasından sonra Bakı-Pirşağı-Sumqayıt xətti üzrə hərəkət qrafikinə yenidən baxılacaq və sərnişin tələbatına uyğun əlavə və dəyişikliklər nəzərdən keçiriləcəkdir.

Oxşar xəbərlər

Bakı-Sumqayıt elektrik qatarlarının sayı artırılır [xfgiven_updateblue][/xfgiven_updateblue]

Sumqayıt-Pirşağı-Bakı qatarı qrafikdən qismən kənara çıxıb [xfgiven_updateblue][/xfgiven_updateblue]

ADY: Bakı-Pirşağı-Sumqayıt istiqamətində qatarların hərəkəti bərpa olunub - YENİLƏNİB [xfgiven_updateblue][/xfgiven_updateblue]

ADY avtodayanacaqlarla bağlı sərnişinlərə müraciət edib [xfgiven_updateblue][/xfgiven_updateblue]

Bakı-Ağstafa-Bakı marşrutu üzrə əlavə qatar reysləri təyin edilib - CƏDVƏL [xfgiven_updateblue][/xfgiven_updateblue]