Həftəsonu daha iki küçədə təmir işləri icra ediləcək.

Bu barədə "Report"a Azərbaycan Avtomobil Yolları Dövlət Agentliyindən məlumat verilib.

Bildirilib ki, Abbas Mirzə Şərifzadə küçəsində (Nazim Hikmət küçəsindən İsfəndiyar Zülalov küçəsinədək olan hissədə) və Səməd Vurğun küçəsində (Abbasqulu ağa Bakıxanov küçəsindən Füzuli küçəsinədək olan hissədə) asfalt-beton örtüyünün yenilənməsi işləri aparılacaq.

Təmir işləri 8 may saat 22:00-dan 9 may saat 23:00-dək, 10 may saat 22:00-dan 11 may saat 23:00-dək həyata keçiriləcək.

Məlumat üçün bildirək ki, aparılan işlərlə əlaqədar qeyd olunan ərazilərdə nəqliyyat vasitələrinin hərəkəti mərhələli şəkildə məhdudlaşdırılacaq.

Oxşar xəbərlər

Bakının mərkəzində iki küçə bağlanacaq - XƏBƏRDARLIQ

Bakının iki mərkəzi küçəsində təmirlə əlaqədar avtomobillərin hərəkəti məhdudlaşdırılacaq

Bakı şəhərinin bəzi yollarında təmir işləri həyata keçiriləcək

Bakıda mərkəzi küçələrdən birində hərəkət məhdudlaşdırılacaq

Bakının bir sıra küçələrində nəqliyyatın hərəkəti məhdudlaşdırılacaq