"Şahdəniz Alfa" platformasından qaz hasilatı və Xəzər dənizin Azərbaycan sektorunda yerləşən “Şahdəniz” qaz yatağından ixrac əməliyyatları əvvəlki səviyyəyə qayıdıb.

“Sizinxeber.az” xəbər verir ki, bu barədə şirkətin mətbuat xidmətinin rəhbəri Tamam Bayatlı jurnalistlərə açıqlamasında bildirib.

O bildirib ki, yeni platformanın tikintisi layihəsi gələn həftə ictimaiyyətə təqdim ediləcək və fevralın üçüncü həftəsində platformanın tikintisinin ətraf mühitə təsirinin qiymətləndirilməsi hesabatı ilə bağlı ictimai dinləmələr keçiriləcək.

"Yekun maliyyə qərarı (FID) bu il qəbul ediləcək", - T. Bayatlı bildirib.

“BP-Azərbaycan”nın mətbuat xidmətinin rəhbəri əlavə edib ki, platforma insan iştirakı olmadan fəaliyyət göstərəcək. "Alpha” və “Bravo” platformalarından aşağı təzyiqli qaz burada toplanacaq və təzyiq artdıqdan sonra Səngəçal terminalına yönləndiriləcək", - o əlavə edib.

T.Bayatlının sözlərinə görə, platformanın tikintisi üçün milyardlarla investisiya tələb olunacaq.

Oxşar xəbərlər

"Şahdəniz"də yeni platforma tikiləcək

BP "Şahdəniz Alfa" yatağında hasilatı bərpa edib

BP: "Şahdəniz" yatağında "Bravo" platforması tam gücü ilə işləyir

“Bulgarqaz”: Azərbaycan Bolqarıstana qaz nəqlini bərpa edib