Bu ilin yanvar-avqust aylarında Bakı-Tbilisi-Ceyhan (BTC) boru kəməri ilə Qazaxıstan neftinin tranzit həcmi 0,9 milyon ton təşkil edib.

Bu barədə “Report”un Qazaxıstan bürosuna ölkənin Energetika Nazirliyindən məlumat verilib.

“Bu ilin 8 ayı ərzində BTC ilə 0,9 milyon ton neft nəql edilib”, - məlumatda bildirilib.

Nazirlikdən qeyd olunub ki, ümumilikdə cari ildə 1,5 milyon ton Qazaxıstan neftinin BTC ilə sonrakı ixracı üçün Aktau limanından Bakıya tədarükü planlaşdırılır.

"Danışıqlar nəticəsində Azərbaycan tərəfi qəbul edilən Qazaxıstan neftinin həcmini ildə 2,2 milyon tona çatdırmağa hazır olduğunu bildirib", - məlumatda vurğulanıb.

Xəbər verildiyi kimi, 2023-cü ildə Aktau limanından BTC sisteminə 1 milyon tondan çox Qazaxıstan nefti göndərilib.

Xatırladaq ki, 2022-ci ildə “KazMunayQaz” və Azərbaycan Dövlət Neft Şirkəti (SOCAR) arasında Bakı-Tbilisi-Ceyhan marşrutu ilə illik həcmi 1,5 milyon ton olan neftin tranzitini nəzərdə tutan 5 illik müqavilə bağlanılıb.

Gülpaş Konırova

Oxşar xəbərlər

Qazaxıstan neftinin BTC ilə tranzitinin həcminin artırılması müzakirə edilir

“Kazmortransflot” Aktau-Bakı marşrutu ilə neft nəqlini 2,4 dəfə artırıb