Azərbaycanda elm sahəsinə maliyyə vəsaiti təkcə dövlət büdcəsi hesabına deyil, həm də özəl sektorun hesabına olmalıdır.

“Sizinxeber.az” xəbər verir ki, bunu deputat Əli Məsimli Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “2024-cü il dövlət büdcəsinin icrası haqqında” qanun layihəsinin müzakirəsi zamanı bildirib.

Onun sözlərinə görə, ölkədə elmə olan münasibəti köklü sürətdə dəyişmək lazımdır: “Əks halda, əbədi olaraq bu sahədə geri qalmaq təhlükəsi ilə üzləşə bilərik. Yəni özəl sektor bu prosesə cəlb olunmalıdır. Elm sahəsinə əlavə maliyyə vəsaiti ayrılmalı, alimlərin əməkhaqqları artırılmalıdır”.

Ə.Məsimli bildirib ki, Azərbaycanda elmə töhfə vermək istəyən alimlərin qarşısında dayanan bütün manelər aradan qaldırılmalıdır: “Alimlər 600-700 manatlıq çərçivədə qalmamalıdır. Onlar beynəlxalq tədbirlərdə öz maliyyə vəsaitləri hesabına iştirak etmək imkanında olmalıdırlar”.

Deputat qeyd edib ki, hazırda ekoloji məsələlər önə çıxıb: “Azərbaycanda fövqəladə hallar ilə bağlı maliyyə vəsaiti uzun illərdir ki, 20 milyon manatın ətrafındadır. Amma 10 il bundan əvvəlki vəziyyətlə indi şərait arasında fərq var. Odur ki, bu istiqamətdə maliyyə vəsaitini artırmağa ehtiyac duyulur”.

Oxşar xəbərlər

Ziyad Səmədzadə: "Hər sahədə maliyyə vəsaitlərinin qənaətini tələb etmək doğru deyil"

Azərbaycan gələn il üçün müdafiə və milli təhlükəsizlik xərclərini daha 159 milyon manat artırır

Orxan Zeynalov: “İstilik enerji sahəsinə özəl sektorun investisiyalarının cəlb olunmasına şərait yaradılacaq"

Henri Qonzales: Özəl sektor maliyyə məsələlərində daha fəal iştirak etməlidir

“Xarici dövlət borcumuz 5 milyarda qədər enə bilər”