Azərbaycan Standartlaşdırma İnstitutunun (AZSTAND) nümayəndələri Metrologiya və Sertifikatlaşdırma üzrə Dövlətlərarası Şura (МГС) çərçivəsində keçirilən Dövlətlərarası Texniki Komitələrin Əlaqələndirməsi üzrə İşçi Qrupun (РГ МТК) 15-ci və Standartlaşdırma üzrə Elmi-Texniki Komissiyanın (НТКС) 69-cu müşavirələrində iştirak ediblər. 

"Sizinxeber.az" bu barədə İnstituta istinadən xəbər verir. 

Onlayn formatda təşkil olunan iclaslara Azərbaycan, Belarus, Qazaxıstan, Özbəkistan, Rusiya, Tacikistan və digər standartlaşdırma üzrə milli orqanların, habelə Standartlaşdırma Bürosunun nümayəndələri qatılıblar.

Dövlətlərarası Texniki Komitələrin Əlaqələndirməsi üzrə İşçi Qrupun (РГ МТК) 15-ci iclasında yeni “Bazalt və ondan hazırlanan məmulatlar” və “Süni intellekt” dövlətlərarası texniki komitələrinin (MTK) yaradılması, MTK reyestrinin aktuallaşdırılması, mövcud MTK-ların birləşdirilməsi, tətbiq sahələrinin genişləndirilməsi və digər məsələlər müzakirə edilib.

Standartlaşdırma üzrə Elmi-Texniki Komissiyasının 69-cu müşavirəsində МГС-in 2030 İnkişaf Strategiyasının icra vəziyyəti, 2024-2025-ci illər üçün Dövlətlərarası Standartlaşdırma Proqramı (ПМС), ən yaxşı standartlaşdırma üzrə texniki komtələrin mükafatlandırılması, dövlətlərarası standartlaşdırma sənədlərinin üçüncü ölkələrdə tətbiqi modeli, o cümlədən МГС-in növbəti iclası və digər məsələlərə nəzər salınıb.

Oxşar xəbərlər

Azərbaycanın narşərabla bağlı hazırladığı dövlətlərarası standart MDB-də qəbul edilib

AZSTAND standartlaşdırma subyektlərinə müraciət edib

Azərbaycanda milli standartlaşdırma ilə bağlı yeni proqram hazırlanır

AZSTAND beynəlxalq standartlara uyğunlaşma ilə bağlı fəaliyyətini açıqlayıb

Azərbaycanda tikinti materiallarının təhlükəsizliyi haqqında milli texniki reqlament hazırlanır