İspaniyanın Ticari-iqtisadi ofisi Kənd Təsərrüfatı Məhsulları İstehsalçıları Assosiasiyası (AGRAGEX) ilə birlikdə Azərbaycana Ticarət missiyası təşkil edir.

Ofisdən "Report"a verilən məlumata görə, ticarət missiyası 2025-ci il martın 3-4-də baş tutacaq.

Missiyanın əsas məqsədi Azərbaycanın kənd təsərrüfatı və aqrar-sənaye sahələrində biznes imkanlarını araşdırmaqdır.

"Bu missiya Azərbaycan bazarına daxil olmaq və ya ölkədəki iştirakını genişləndirmək istəyən kənd təsərrüfatı sektorundakı İspaniya şirkətləri üçün əla fürsət yaradacaq. Onlar əməkdaşlığı təşviq edə və iki ölkə arasında işgüzar əlaqələri gücləndirə biləcəklər", - Ankarada fəaliyyət göstərən Ticari-iqtisadi ofisdən bildirilib.

Missiyaya suvarma, istixana və bitki mühafizəsi vasitələri, bitki və heyvanların sağlamlığı və qidalanması və digər sahələrdə təmsil olunan şirkətlər daxil olacaq.

Oxşar xəbərlər

Rusiyanın biznes missiyası sentyabrın sonunda Bakıya gələcək

“Aqroservis”in nizamnaməsində dəyişiklik ediləcək

“Aqroservis”in səhmdarlarının yığıncağının vaxtı dəyişdirilib

Azərbaycan şirkətləri Britaniyada keçiriləcək sərgiyə dəvət olunub