Bu ilin yanvar-noyabr aylarında Azərbaycanın qeyri-neft-qaz sektoru üzrə ixracının dəyəri ötən ilin eyni dövrü ilə müqayisədə 1,9 % artaraq 3,1 milyard ABŞ dolları təşkil edib.

"Report" bu barədə İqtisadi İslahatların Təhlili və Kommunikasiya Mərkəzinə istinadən xəbər verir.

Məlumata görə, o cümlədən son 1 ildə ölkənin yeyinti məhsullarının ixrac dəyəri 12,3 % artaraq 923 milyon ABŞ dolları olub.

Hesabat dövründə şəkər və şəkərdən hazırlanan qənnadı məhsullarının ixrac dəyəri 65,4 % artaraq 37,5 milyon ABŞ dolları, pambıq lifinin ixrac dəyəri 52,6 % artaraq 170 milyon ABŞ dolları, bitki mənşəli yağlar və piylərin ixrac dəyəri 32 % artaraq 25,5 milyon ABŞ dolları, qiymətli metalların ixrac dəyəri 29 % artaraq 189,8 milyon ABŞ dolları, kimya sənayesi məhsullarının ixrac dəyəri 19,6 % artaraq 265,6 milyon ABŞ dolları, spirtli və spirtsiz içkilərin ixrac dəyəri 13,5 % artaraq 64,4 milyon ABŞ dolları, çayın ixrac dəyəri 1,6 % artaraq 6 milyon ABŞ dolları, qara metalların ixrac dəyəri 1,9 % artaraq 48,2 milyon ABŞ dolları, alüminium və ondan hazırlanan məmulatların ixrac dəyəri 1,5 % artaraq 182,7 milyon ABŞ dolları təşkil edib.

11 ay ərzində aqrar məhsulların ixrac dəyəri 4,4 % artaraq 701,7 milyon ABŞ dolları, aqrar-sənaye məhsullarının ixrac dəyəri 58,3 % artaraq 287,3 milyon ABŞ dolları olub. Bütövlükdə aqrar və aqrar-sənaye məhsullarının birgə ixracının dəyəri 15,9 % artaraq 988,9 milyon ABŞ dolları təşkil edib.

Oxşar xəbərlər

Azərbaycan qeyri-neft-qaz ixracını 1 %-dən çox artırıb

Gürcüstanın Azərbaycanla ticarət dövriyyəsi 1 milyard ABŞ dollarını ötüb

10 ayda Azərbaycandan Rusiyaya 1 mlrd. dollara yaxın qeyri-neft məhsulu ixrac edilib

Bu il Azərbaycan 14 milyon tondan çox neft ixrac edib

Bu il Azərbaycan 20 milyon tondan çox neft ixrac edib