Bu ilin yanvar-iyul aylarında gömrük bəyannamələrinə əsasən, Azərbaycan 14 milyon 696 min 092,26 ton həcmində bitumlu süxurlardan alınmış xam neft və xam neft məhsulları ixrac edib.

Bu barədə “Report” Dövlət Gömrük Komitəsinin statistikasına əsasən xəbər verir.

Məlumata görə, ötən 7 ay ərzində Azərbaycandan ixrac edilən xam neftin dəyəri 9 milyard 225 milyon 936,20 min ABŞ dolları təşkil edib.

Hesabat dövrü ərzində ixrac edilən xam neftin həcmi 2023-cü ilin yanvar-iyul ayları ilə müqayisədə 5,44 %, dəyəri isə 2,32 % azdır.

Bu il Azərbaycanın ümumi ixracında bitumlu süxurlardan alınmış xam neft və xam neft məhsullarının payı 57,31 % olub.

Qeyd edək ki, bu ilin yanvar-iyul aylarında Azərbaycan xarici ölkələrlə 26 milyard 892,121 milyon ABŞ dolları dəyərində ticarət əməliyyatı aparıb. Xarici ticarət dövriyyəsinin 16 milyard 99 milyon ABŞ dolları ixracın, 10 milyard 793 milyon ABŞ dolları isə idxalın payına düşüb. Son 1 ildə ixrac 22,5 % azalıb, idxal isə 12,9 % artıb.

Oxşar xəbərlər

Bu il Azərbaycan təbii qaz ixracını 3 %-dən çox artırıb

Azərbaycanın xarici ticarət dövriyyəsində müsbət saldo 2 dəfədən çox azalıb

Azərbaycanın tomat ixracından gəliri 68 %-dən çox artıb

Azərbaycanın idxalında azadolmaların həcmi açıqlanıb

Azərbaycan ABŞ-yə məhsul ixracını 32 dəfəyə yaxın artırıb