Bu ilin yanvar-oktyabr aylarında Azərbaycan və Gürcüstan arasında ticarət dövriyyəsinin dəyəri 1 milyard 069,446 milyon ABŞ dolları təşkil edib.

“Sizinxeber.az” bu barədə Gürcüstanın Milli Statistika İdarəsinə istinadən xəbər verir.

Məlumata görə, bu, 2023-cü ilin eyni dövrü ilə müqayisədə 13 % azdır.

Gürcüstanın ümumi xarici ticarət dövriyyəsində Azərbaycanın payı 5,6 % təşkil edib.

Hesabat dövründə Gürcüstanın Azərbaycana ixrac etdiyi məhsulların dəyəri 1 il əvvələ nisbətən 14,4 % azalaraq 610,992 milyon ABŞ dolları (ümumi ixracın 11,2 %-i), Gürcüstanın Azərbaycandan idxal etdiyi məhsulların dəyəri isə 11,2 % azalaraq 458,454 milyon ABŞ dolları (ümumi idxalın 3,4 %-i) olub.

Yanvar-oktyabr aylarında Gürcüstanın ümumi xarici ticarət dövriyyəsinin dəyəri illik müqayisədə 5,5 % artaraq 19 milyard 025,291 milyon ABŞ dollarına çatıb. O cümlədən, ixracın dəyəri 7,4 % artaraq 5 milyard 468,413 milyon ABŞ dolları, idxalın dəyəri isə 4,8 % artaraq 13 milyard 556,877 milyon ABŞ dolları olub.

Oxşar xəbərlər

Azərbaycan 10 ayda 21 milyard kubmetrdən çox təbii qaz ixrac edib

Bu il Azərbaycan 20 milyon tondan çox neft ixrac edib

Bu il Azərbaycan təbii qaz ixracını 3 %-dən çox artırıb

Bu il Azərbaycan 14 milyon tondan çox neft ixrac edib

Azərbaycan əczaçılıq məhsullarının idxalına çəkdiyi xərci 16 % azaldıb