Azərbaycanda "Elektrotexnika və radioelektronika məmulatlarında bəzi təhlükəli maddələrin tətbiqinin məhdudlaşdırılması haqqında" texniki reqlament hazırlanıb.

Bu barədə "Report" Prezident yanında Antiinhisar və İstehlak Bazarına Nəzarət Dövlət Agentliyinə istinadən xəbər verir.

Məlumata əsasən, reqlamentin məqsədləri üçün istifadə olunan əsas anlayışlar da müəyyənləşdirilib. Belə ki, "oyuncaq" 14 yaşınadək uşaqların oynaması üçün nəzərdə tutulmuş məmulat və ya material kimi izah olunur.

"Elektrik oyuncaq" isə azı bir funksiyası elektrik enerjisi ilə yerinə yetirilən oyuncaq kimi müəyyən edilib.

Bundan başqa, "elektrotexnika və radioelektronika məmulatları" anlayışı da açıqlanıb. Bu kateqoriyaya birbaşa istifadə üçün nəzərdə tutulan və ya maşınlara, mexanizmlərə, cihazlara, alətlərə və digər avadanlıqlara daxil olan, təyinatı elektrik cərəyanlarının və ya elektromaqnit sahələrinin mövcudluğu, istifadəsi, istehsalı, çevrilməsi, ötürülməsi və paylanması ilə bağlı olan məmulatlar aid edilir.

Oxşar xəbərlər

Azərbaycanda partlayışa davamlı avadanlıqla bağlı texniki reqlament hazırlanıb

Azərbaycanda “Pirotexniki məmulatların təhlükəsizliyi haqqında texniki reqlament" hazırlanıb

Azərbaycanda uşaqlarla bağlı texniki reqlament layihələri hazırlanıb

Azərbaycanda yanğından mühafizə və yanğınsöndürmə vasitələrinə dair texniki reqlament hazırlanıb

Azərbaycanda liftlərin təhlükəsizliyi ilə bağlı reqlament hazırlanıb