ABŞ ilə memorandumun icrası üzrə danışıqlar aparan komandaya daxil olan İranın xarici işlər nazirinin müavini Kazım Qəribabadi bu həftə Dohada Vaşinqtonla texniki məsləhətləşmələrin keçiriləcəyi barədə məlumatı təkzib edib.

Bu barədə "Report" TASS-a istinadən xəbər verir.

"Bu həftəyə işçi qrupların texniki müşavirələrinin keçirilməsi planlaşdırılmayıb. Qətərlə məsləhətləşmələr adi qaydada davam etsə də, bəzi mediaların Dohada işçi qruplarının texniki danışıqlarının keçirilməsi barədə məlumatları təsdiqlənmir", - o, jurnalistlərə bildirib.

K.Qəribabadi qeyd edib ki, tərəflər hələ ki, texniki danışıqların keçirilmə yeri və vaxtı ilə bağlı razılığa gəlməyiblər: "Bu məsələ üzrə məsləhətləşmələr vasitəçi ölkələrin dəstəyi ilə davam edir".

Daha əvvəl "Axios" portalının jurnalisti Barak Ravid bildirmişdi ki, ABŞ və İran nümayəndələri qarşılıqlı zərbələrin dayandırılması və Hörmüz boğazı üzrə fikir ayrılıqlarının nizamlanması üçün iyunun 30-da Dohada məsləhətləşmələrin keçirilməsi barədə razılığa gəliblər.

Oxşar xəbərlər

Əraqçinin müavini: İran və ABŞ arasında texniki görüş bu həftə keçirilməyəcək

ABŞ-İran danışıqları ekspert qruplarının məsləhətləşmələri ilə paralel aparılacaq

Oman ABŞ-İran danışıqlarının dördüncü raundu üçün yeri açıqlayacaq

Dohada Suriyadakı vəziyyətlə bağlı üçtərəfli danışıqlar başlayıb

Qəribabadi: Maskatda Hörmüz boğazı üzrə İran-Oman birgə komitəsinin ilk iclası baş tutub