Asiya İnfrastruktur İnvestisiya Bankı (AIIB) Azərbaycanla çox yaxşı əməkdaşlığa malikdir.

Bu barədə "Sizinxeber.az-Economics"ə açıqlamasında Asiya İnfrastruktur İnvestisiya Bankının (AIIB) baş direktoru Xiaohong Yang deyib.

"Ötən il prezidentimiz Azərbaycan hökuməti ilə birgə bəyannamə imzalayıb. Hazırda əsasən nəqliyyat sektorunda işləyirik. Yəni əsas istiqamətimiz dəmir yolları, Bakı metrosunun yaşıl xətti və ADY-nin dairəvi dəmir yollarıdır", - deyə o qeyd edib.

Onun sözlərinə görə, Asiya İnfrastruktur İnvestisiya Bankı ilə Azərbaycan arasında gələcəkdə dəniz daşımaları, eləcə də aviasiya sektoru üzrə əməkdaşlığı genişləndirilməsi planlaşdırlır:

"Biz həmçinin Bakı Limanı ilə çox aktiv işləyirik və gələcəkdə dəniz daşımları, eləcə də aviasiya sektoru üzrə əməkdaşlığı genişləndirməyi planlaşdırırıq. Bundan əlavə, enerji sahəsində, Xəzər dənizi yaşıl enerji dəhlizləri üzrə də əməkdaşlıq edirik.
Ümumilikdə, Azərbaycanla əməkdaşlıq çox perspektivlidir və biz burada uzunmüddətli tərəfdaşlığı davam etdirməyi gözləyirik".

"Bundan əlavə qeyd etmək istərdim ki, biz ötən həftə Bakı üçün 180 milyon dollarlıq bir depo layihəsi imzaladıq. Hazırda Bakı metrosu ilə bağlı əlavə təxminən 700 milyon dollarlıq layihə üzərində işləyirik. Həmçinin ADY ilə də əməkdaşlıq davam edir. Ümumilikdə həm dövlət, həm də özəl sektor üzrə bir çox yeni layihələr gözlənilir", - Xiaohong Yang bildirib.

Oxşar xəbərlər

AİİB Orta Dəhlizə investisiya qoymağa maraq göstərir

AIIB-in baş direktoru: Orta Dəhliz üçün növbəti 3 ildə 28 mlrd. dollara ehtiyac var

İnvestisiya Direktoru: Orta Dəhlizin regional yaşıl dəhlizə çevrilməsi AIIB-in mandatına uyğundur

Asiya İnfrastruktur İnvestisiya Bankı yeni prezidentin seçilmə tarixini açıqlayıb

ADY AİİB ilə nəqliyyat infrastrukturunun inkişafını müzakirə edib