ABŞ Silahlı Qüvvələrinin Mərkəzi Komandanlığı (CENTCOM) İranın cənubundakı Qoruq rayonunda və Qeşm adasında yerləşən radar obyektlərinə və pilotsuz uçuş aparatlarının (PUA) idarəetmə məntəqələrinə zərbələr endirdiyini bəyan edib.

"Report"un məlumatına görə, müvafiq bəyanat CENTCOM-un "X" sosial şəbəkəsindəki səhifəsində yerləşdirilib.

Məlumata əsasən, zərbələr şənbə və bazar günləri "İranın fəaliyyətlərinə", o cümlədən beynəlxalq sular üzərində ABŞ-nin "MQ-1" pilotsuz uçuş aparatının vurulmasına cavab olaraq endirilib. CENTCOM əməliyyatın müdafiə xarakteri daşıdığını vurğulayıb.

Amerikanın iddiasına görə, əməliyyat zamanı hava hücumundan müdafiə vasitələri, yerüstü idarəetmə stansiyası və ABŞ-nin qiymətləndirməsinə görə regionda gəmiçilik üçün təhlükə yaradan iki zərbə PUA-sı məhv edilib.

Komandanlıq həmçinin əməliyyat nəticəsində Amerika hərbi qulluqçularından heç kimin xəsarət almadığını bildirib.

Oxşar xəbərlər

CENTCOM: ABŞ cavab olaraq İranın hərbi obyektlərinə zərbələr endirib

CENTCOM: ABŞ Silahlı Qüvvələri İranda 8 mindən çox hədəfi məhv edib

CENTCOM: ABŞ əməliyyatlar başlayandan İranda 9 mindən çox hədəfi məhv edib

CENTCOM: ABŞ İrana qarşı əməliyyat zamanı 6,5 mindən çox döyüş uçuşu həyata keçirib

CENTCOM İranın hərbi obyektlərinə zərbələr endirildiyini təsdiqləyib - YENİLƏNİB