İyunun 1-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi gündüz mülayim cənub-qərb küləyi ilə əvəz olacaq.

Milli Hidrometeorologiya Xidmətindən "Sizinxeber.az"a verilən məlumata görə, sabah havanın temperaturu gecə 15-18° isti, gündüz 22-27° isti olacaq.

Atmosfer təzyiqi 762 mm civə sütunundan 758 mm civə sütununa enəcək, nisbi rütubət gecə 70-75 %, gündüz 55-60 % olacaq.

Azərbaycanın rayonlarında isə sabah hava şəraiti əsasən yağmursuz olacaq. Lakin gündüz bəzi dağlıq ərazilərdə qısamüddətli yağıntılı olacağı, şimşək çaxacağı, dolu düşəcəyi ehtimalı var.

Qeyd olunub ki, gecə və səhər bəzi yerlərdə duman olacaq, mülayim qərb küləyi əsəcək. Havanın temperaturu gecə 11-16° isti, gündüz 23-28° isti, dağlarda gecə 5-10° isti, gündüz 15-20°, bəzi yerlərdə 23-26° isti olacaq.

Oxşar xəbərlər

Sabah 30 dərəcə isti olacaq

May ayının ilk günü hava yağmursuz olacaq

Aprel ayının ilk günü Bakıda 25 dərəcə isti olacaq

Sabah Bakıda 31 dərəcə isti olacaq

Sabah Bakıda 22, bölgələrdə 23 dərəcə isti olacaq