Mayın 28-dən 30-dək Bakıda, mayın 31-dən iyunun 10-dək isə Türkiyənin İsparta şəhərində təlim-məşq toplanışında olacaq 21 yaşadək futbolçulardan ibarət Azərbaycan milli komandasının heyətinə yeni futbolçu cəlb olunub.

Sizinxeber.Az Qol.az-a istinadən xəbər verir ki, Belçikanın “Sent-Truiden” klubunun yarımmüdafiəçisi Mustafa Kamara U-21 millinin düşərgəsinə qoşulub. 18 yaşlı sol vinger 2025-2026-cı illər mövsümündə “Sent-Truiden”in U-18 komandasının heyətində ümumilikdə 19 oyun keçirib, 2 qol vurub.

U-21 Türkiyədəki hazırlıq çərçivəsində iyunun 6-da Bəhreyn, 9-da isə Qırğızıstanın müvafiq yaş qrupundan ibarət komandasına qarşı yoldaşlıq oyunu keçirəcək.

Qeyd edək ki, Mustafa Kamara 2007-2012-ci illərdə “Qəbələ”nin formasını geyinmiş Abdulkader Kamaranın oğludur. Mustafa 2008-ci il martın 3-də Azərbaycanda anadan olub.

Oxşar xəbərlər

Mustafa Kamara Azərbaycanın U-21 millisininə cəlb olunub

Azərbaycanın U-21 millisi Türkiyədə 2 yoldaşlıq oyunu keçirəcək

Azərbaycanın U-21 millisi iki yoxlama oyunu keçirəcək

Azərbaycanın U-17 millisi yoxlama oyunu keçirib

Azərbaycanın U-17 millisi yoldaşlıq oyunu keçirib