Avropa İttifaqı (Aİ) Şurası 2011-ci ildə Bəşər Əsəd rejiminin repressiyalarına cavab olaraq qismən dayandırılmış Aİ ilə Suriya arasında əməkdaşlıq sazişinin məhdudlaşdırılmış tətbiqinin ləğvi barədə qərar qəbul edib.

"Report"un Avropa bürosunun məlumatına görə, Aİ Şurası öz qərarını bununla izah edib ki, 2024-cü ilin dekabrında Əsəd rejiminin süqutundan və ardınca 2025-ci ilin mayında iqtisadi sanksiyaların əksəriyyətinin ləğv edilməsindən sonra "dayandırılmanı əsaslandıran şərtlər artıq mövcud deyil".

Qərar Aİ-nin Suriyada siyasi keçidi və iqtisadi bərpanı dəstəkləmək siyasətinin bir hissəsi kimi nəzərdən keçirilir.

Brüsseldə bunu "Aİ və Suriya arasında ikitərəfli münasibətlərin möhkəmləndirilməsi istiqamətində mühüm addım" adlandırıblar.

Qeyd edək ki, Aİ və Suriya arasında Əməkdaşlıq Sazişinin qismən dayandırılması neft, qiymətli metallar və almazlar da daxil olmaqla bir sıra Suriya mallarının idxalını məhdudlaşdırırdı.

Oxşar xəbərlər

Aİ Suriya ilə əməkdaşlıq sazişini tam şəkildə bərpa edib

Avropa Komissiyası Suriya ilə əməkdaşlıq sazişinin tam bərpasını təklif edir

Avropa İttifaqı Suriya iqtisadiyyatının bərpasını dəstəkləmək istəyir

Suriya XİN: Sanksiyaların ləğvi ölkənin sabitliyi üçün vacibdir

Türkiyə və Suriya azad ticarət sazişinin bərpasını nəzərdən keçirəcək