Serbiyanın barışıq, regional əməkdaşlıq və sosial sabitlik naziri Usame Zukorliç Türkiyənin bu ölkədəki səfiri İlhan Saygılı ilə Türkiyə Prezidenti Rəcəb Tayyib Ərdoğanın Belqrad və Novi Pazar şəhərlərinə planlaşdırlan səfərini müzakirə edib.

"Report"un Balkan bürosu xəbər verir ki, bu barədə nazirin ofisi məlumat yayıb.

Bildirilib ki, Türkiyə Prezidentinin səfərinin yüksək səviyyədə baş tutmasını təmin etmək üçün yaradılan komitəyə U. Zukorliç rəhbərlik edəcək.

"Tərəflər prezident Ərdoğanın səfərinin ən yüksək səviyyədə təşkil edilməli olduğu barədə razılığa gəliblər", - məlumatda vurğulanıb.

Xatırladaq ki, Türkiyə Prezidentinin səfəri Serbiya Prezidenti Aleksandar Vuçiçin cari ilin fevralında Ankaraya səfəri zamanı elan edilmişdi.

"May və ya iyun ayında Belqrada və Novi Pazara geniş heyətlə səfər gerçəkləşdirəcəyik", - R.T. Ərdoğan bildirmişdi. Bununla belə, səfərin dəqiq tarixi hələlik müəyyənləşdirilməyib.

Oxşar xəbərlər

Türkiyənin müvəqqəti işlər vəkili: Ərdoğanın Suriyaya səfəri gözlənilir

Ərdoğan Ukraynaya səfər edəcək

Rəcəb Tayyib Ərdoğanın Azərbaycana səfəri başa çatıb

Türkiyə Prezidenti Suriyaya səfər edəcək

Misir Prezidenti Türkiyədə səfərdədir