ABŞ müharibə naziri Pit Heqset Birləşmiş Ştatların Hörmüz boğazı üzərində faktiki nəzarəti və dəniz blokadasının genişləndirilməsi barədə bəyanat verib.

"Report" xəbər verir ki, onun sözlərinə əsasən, ABŞ Hərbi-Dəniz Qüvvələrinin icazəsi olmadan heç bir gəmi boğazdan keçə bilməz.

Heqset qeyd edib ki, hazırda yalnız İrana aid olmayan gəmilərə keçid icazəsi verilir, onların bir hissəsi artıq boğazı keçib, o cümlədən gecə saatlarında. O əlavə edib ki, blokada gücləndirilir və yaxın günlərdə əməliyyata daha bir aviadaşıyıcı qoşulacaq.

"Blokadamız genişlənir və qlobal xarakter alır. Yalnız bu həftə biz Hind-Sakit okean bölgəsində İranın "kölgə donanması"na aid iki gəmini ələ keçirdik. Biz bu cür hərəkətləri davam etdirəcəyik", - o, Pentaqonda keçirilən brifınqdə çıxış edərkən vurğulayıb.

Onun sözlərinə görə, ABŞ bundan sonra da rəqiblərin marşrutlarını bağlamağa və öz maraqlarını qorumağa davam edəcək. "Heç kim Hörmüz boğazından çıxıb ABŞ HDF-nin icazəsi olmadan dünyanın istənilən yerinə yola düşə bilməz", - o bəyan edib.

Heqset həmçinin İran hakimiyyətini kəskin tənqid edərək, onları vəziyyətin sabitliyini pozmaqda və mülki gəmilərə hücumlarda ittiham edib. O iddia edir ki, İran qüvvələri dəniz minaları quraşdırır və ABŞ və ya İsraillə əlaqəsi olmayan təsadüfi gəmiləri atəşə tutur.

Tehrana müraciət edən nazir bəyan edib ki, blokada güclənəcək, ABŞ-ın vəziyyət üzərindəki nəzarəti isə qorunub saxlanacaq.

Oxşar xəbərlər

ABŞ müharibə naziri: Hörmüzün blokadası lazım olduğu qədər davam edəcək

Hörmüz üzərində tam nəzarətimiz var - Tramp

İran HDQ Hörmüz boğazı ərazisində iki gəmini saxlayıb

KİV: Hörmüz boğazı 18 gündür bağlıdır

Tramp Hörmüz boğazının blokadasını açıqlayıb