ABŞ Prezidenti Donald Tramp İranı aprelin 22-də başa çatacaq iki həftəlik atəşkəs rejimini dəfələrlə pozmaqda ittiham edib.

"Sizinxeber.az" xəbər verir ki, bu barədə o "Truth Social"da yazıb.

"İran atəşkəs rejimini dəfələrlə pozub!", - o bildirib.

Xatırladaq ki, fevralın 28-də ABŞ və İsrail İrana qarşı hərbi əməliyyata başlayıb və bir sıra şəhərlərə zərbələr endirib. Əməliyyat Yaxın Şərqdə eskalasiyaya və Fars körfəzinin bütün ölkələrinin münaqişəyə cəlb edilməsinə, eləcə də Hörmüz boğazının bloklanmasına səbəb olub.

İran, ABŞ və onların müttəfiqləri 2026-cı il aprelin 8-nə keçən gecə müddəti aprelin 21-dən 22-nə qədər olan atəşkəs barədə razılığa gəliblər.

Tərəflər Pakistanda münaqişənin nizamlanması üzrə danışıqlar aparmağa cəhd göstəriblər, lakin aprelin 11-12-də keçirilən ilk raund heç bir nəticə verməyib. Danışıqların yeni raundu yaxın günlərdə baş tuta bilər.

Bloklanması qlobal enerji böhranına səbəb olan Hörmüz boğazı ətrafındakı vəziyyət qeyri-müəyyən olaraq qalır, hər iki tərəf müxtəlif aralıqlarla onun açıldığını elan edir, lakin faktiki olaraq regionda gəmiçilik dayandırılıb.

Oxşar xəbərlər

Tramp İranı Hörmüz boğazında gəmiçilik qaydalarını pozmaqda təqsirləndirib

Tramp İranı Hörmüz boğazından istifadəyə görə ödəniş almamağa çağırıb

Əraqçi Hörmüz boğazının açıldığını bildirib

Tramp: İsrail və İran atəşkəs rejimini pozub

Şəhram İrani: Trampın Hörmüzü blokadaya almaqla bağlı təhdidi absurddur