Fransanın xarici işlər naziri Jan-Noel Barro Avropa İttifaqının (Aİ) sanksiyalarının genişləndirildiyini açıqlayıb - Ukraynanın Buça şəhərindəki kütləvi qətliama görə məsuliyyət daşıyan şəxslərə qarşı siyahıya 9 yeni məhdudlaşdırıcı tədbir əlavə edilib.

"Sizinxeber.az"un Avropa bürosu xəbər verir ki, bu barədə nazir Xarici İşlər Şurasının başlamasından əvvəl jurnalistlərə bildirib.

"Ötən həftəsonu Rusiyanın Ukraynadakı təcavüzü başlayandan bəri tətbiq edilən 2 600 sanksiyanın (ayrı-ayrı şəxslərə və təşkilatlara qarşı) müddəti heç bir maneə olmadan uzadılıb. Bu gün Brüsseldə buna bir neçə gündən sonra dördüncü ildönümünü qeyd edəcəyimiz Buçadakı kütləvi qətliama görə məsuliyyət daşıyan hərbi cinayətkarlara qarşı 9 yeni sanksiya əlavə edilir", - o deyib.

Barronun sözlərinə görə, Yaxın və Orta Şərqdə nəzarətdən çıxan təhlükəli hərbi eskalasiya diqqəti Avropa qitəsində təhlükəsizlik və sülh məsələlərinin həll olunduğu Ukraynadan yayındıra bilməz.

Oxşar xəbərlər

Fransa Rusiyaya qarşı 19-cu sanksiya paketinin tezliklə tətbiq edilməsini dəstəkləyir

Fransa XİN: Aİ Rusiyaya son üç ilin ən sərt sanksiyalarının tətbiqi niyyətindədir

Fransanın XİN başçısı Rusiyaya qarşı 17-ci sanksiya paketinin razılaşdırıldığını təsdiqləyib

Aİ-nin Rusiyaya qarşı 17-ci sanksiya paketinin yarısını Fransa XİN hazırlayıb

Fransa XİN başçısı 22 rusiyalıya qarşı yeni sanksiyaların təsdiqləndiyini açıqlayıb