Fransanın xarici işlər naziri Jan-Noel Barro Avropa İttifaqı (Aİ) ölkələrinin xarici işlər nazirlərinin Brüssel görüşündə 22 rusiyalıya qarşı sanksiyaların təsdiqləndiyini açıqlayıb.

“Sizinxeber.az” xəbər verir ki, bu barədə o, jurnalistlərə açıqlamasında bildirib.

“Bu gün səhər Brüsseldə də altı rusiyalı hakimin və 16 rusiyalı fiziki şəxsin Avropa ərazisinə girişinə qadağa qoyulmasını, eləcə də onların aktivlərinin dondurulmasını təsdiq edirik”, - o deyib.

Barro həmçinin 7 Moldova vətəndaşına qarşı sanksiyalar tətbiq edildiyini də vurğulayıb. Amma nazir sözügedən sanksiyaların mahiyyətini açıqlamayıb.

O, həmçinin xatırladıb ki, bu gün Ukrayna münaqişəsi ilə bağlı Rusiyaya qarşı 18-ci sanksiyalar paketi razılaşdırıla bilər.

Oxşar xəbərlər

Avropa ölkələri Rusiyaya qarşı yeni sanksiyalar paketi hazırlayır

Barro: Aİ-nin Rusiyaya qarşı yeni sanksiyalar paketi iyula qədər təqdim oluna bilər

Avropa İttifaqı İrana qarşı sanksiyaları genişləndirəcək

Fransa XİN: Aİ Rusiyaya son üç ilin ən sərt sanksiyalarının tətbiqi niyyətindədir

Aİ-nin ali nümayəndəsi Rusiyaya qarşı sanksiyaların uzadılacağına ümid edir