Mədəniyyət Nazirliyində görkəmli teatr və kino aktrisası, Dövlət mükafatı laureatı, Xalq artisti Şəfiqə Məmmədova ilə görüş keçirilib.

Bu barədə "Sizinxeber.az"a nazirlikdən məlumat verilib.

Bildirilib ki, sənətkarın 80 illik yubileyi münasibətilə təşkil olunan görüşdə ölkənin kino ictimaiyyətinin tanınmış nümayəndələri də iştirak ediblər.

Mədəniyyət naziri Adil Kərimli Xalq artisti Şəfiqə Məmmədovanın mədəniyyətin inkişafına mühüm töhfələr verdiyini diqqətə çatdırıb: "Sənətkar səhnədə və ekranda həyat verdiyi rəngarəng obrazlarla bir neçə nəsil tamaşaçıların rəğbətini qazanıb".

Nazir Şəfiqə Məmmədovanın bənzərsiz sənətinin dövlət tərəfindən həmişə yüksək qiymətləndirildiyini, onun respublikanın ali təltiflərinə layiq görüldüyünü deyib. Bildirilib ki, Prezident İlham Əliyevin bu ilin martın 29-da imzaladığı Sərəncamla aktrisa “İstiqlal” ordeninə layiq görülüb və dövlət başçısı bu ali təltifi sənətkara şəxsən təqdim edib.

Sənətkara yubileyi ilə əlaqədar təbriklərini çatdıran Adil Kərimli ona nazirliyin Fəxri fərmanını da təqdim edib.

Şəfiqə Məmmədova yaradıcılığına verilən yüksək dəyərə görə ölkə başçısına minnətdarlığını bildirib.

Kino sahəsinin mədəniyyətin ən vacib istiqamətlərindən biri olduğunu deyən nazir qeyd edib ki, Prezident İlham Əliyev tərəfindən mədəniyyətin bütün sahələrinin, o cümlədən kino sənayesinin inkişafı diqqətdə saxlanılır. Dövlət başçısının 2008-ci il 4 avqust tarixli Sərəncamı ilə “Azərbaycan kinosunun 2008–2018-ci illər üzrə inkişafına dair Dövlət Proqramı”nın təsdiq olunması, 2022-ci il 20 aprel tarixli Sərəncamı ilə Mədəniyyət Nazirliyinin tabeliyində Azərbaycan Respublikası Kino Agentliyinin yaradılması bu sahəyə göstərilən diqqət və qayğının parlaq təzahürüdür.

Sonda xatirə şəkilləri çəkdirilib.

Oxşar xəbərlər

Xalq artisti Şəfiqə Məmmədova “İstiqlal” ordeni ilə təltif edilib

Prezident Xalq artisti Şəfiqə Məmmədovanı 80 illik yubileyi münasibətilə təbrik edib

Şəfiqə Məmmədova “İstiqlal” ordeni ilə təltif edilib

Prezident İlham Əliyev Xalq artisti Şəfiqə Məmmədovanı 80 illik yubileyi münasibətilə təbrik edib

Mədəniyyət Nazirliyində Xalq artisti Yalçın Adıgözəlovla görüş olub