Azərbaycanın tanınmış rəssam-boyakarı, silsilə tabloların müəllifi olan rəssam Məmməd Şirzad bir sıra əsərlərini Azərbaycan Milli Elmlər Akademiyasının (AMEA) akademiyanın 80 illik yubileyi münasibətilə quruma bağışlayıb.

Bu barədə "Sizinxeber.az"a AMEA-dan məlumat verilib.

Belə ki, M.Şirzad bununla bağlı AMEA-nın prezidenti akademik İsa Həbibbəyliyə müraciət ünvanlayıb.

M.Şirzadın AMEA-ya bağışladığı əsərlər sırasında iri həcmli “Bizim torpaq” pannosu, “Üzümçü qızlar” tablosu, bir sıra portret rəsmləri və Gürcüstan mövzusunda çəkdiyi rəsm əsərləri kimi rəsmlər olub.

Bu münasibətlə AMEA-nın prezidenti akademik İsa Həbibbəyli professorla görüşüb, rəssama müəllifi olduğu əsərlərini Akademiyaya bağışlamasına görə minnətdarlığını bildirib.

Azərbaycan təsviri incəsənətinin təbliği və inkişafında xidmətlərinə görə, professor Məmməd Şirzad AMEA-nın “Təşəkkürnamə”si ilə təltif edilib və bunu qonağa Akademik İsa Həbibbəyli təqdim edib.

Oxşar xəbərlər

Gələn ay AMEA-nın ümumi yığıncağı keçiriləcək

AMEA-da yeni şöbələr yaradılıb

COP29 günlərində AMEA-da işə davamiyyətin tənzimlənməsi üçün İşçi qrup yaradılıb

AMEA doktorantura təhsili haqqında əsasnamənin yenilənməsi üçün təkliflər hazırlayacaq

AMEA prezidenti: Elmi mükafatları ancaq inkişaf etmiş ölkələrin ala biləcəyinə dair mifi dağıtmalıyıq