BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Bakıda səfərdə olan Türkiyənin nəqliyyat və infrastruktur naziri Abdulkadir Uraloğlu rəqəmsal inkişaf və nəqliyyat naziri Rəşad Nəbiyevlə regional ticarətin davamlılığını müzakirə edib.

“Report” xəbər verir ki, bu barədə türkiyəli rəsmi sosial şəbəkədə bildirib.

“Azərbaycanın rəqəmsal inkişaf və nəqliyyat naziri, hörmətli həmkarım Rəşad Nəbiyev, nazir müavini cənab Rəhman Hümmətov və Bakıdakı səfirimiz cənab Cahit Bağcı ilə səmərəli görüş keçirdik. Türkiyə və qardaş ölkə Azərbaycan arasındakı əməkdaşlığımızı gücləndirmək və regional ticarətin davamlılığı üçün mühüm məsləhətləşmələr apardıq”, – o yazıb.

Qeyd edək ki, öncəki paylaşımında Uraloğlu Azərbaycana gəldiyini bildirmişdi.

Oxşar xəbərlər

Azərbaycan və Türkiyə Bakı-Tbilisi-Qars layihəsinin inkişafını müzakirə edib

COP29 çərçivəsində “Yaşıl ictimai nəqliyyat” mövzusunda nazirlərin görüşü keçiriləcək

Azərbaycan və Tacikistan birbaşa aviareyslər açmaq niyyətindədir

Yunanıstanın Baş naziri Azərbaycanda səfərdədir

Rəşad Nəbiyev Türkiyənin nəqliyyat və infrastruktur naziri ilə görüşüb