"İqlim dəyişikliyinə paralel adaptasiya tədbirləri görülməsə, Qazaxıstanda ÜDM-nin həcmi 2026-ci ilədək 1,3 faiz azalacaq".

APA-nın məlumatına görə, bunu Qazaxıstanın ekologiya və təbii sərvətlər naziri Erlan Nısanbayev "Mərkəzi Asiyada Regional İqtisadi Əməkdaşlıq (CAREC) İqlim, İnnovasiya və Ticarət Tərəfdaşlığına həsr olunan nazirlərin görüşündə deyib.

"Digər ölkələr kimi Qazaxıstan da iqlim dəyişikliyinin fəsadlarını hiss edir. Quraqlıq, susuzluq və buzlaqların əriməsi kimi problemlərlə üzləşir. Proqnozlara əsasən iqlim dəyişikliyinə paralel adaptasiya tədbirləri görülməsə, Qazaxıstanda ÜDM-nin həcmi 2026-ci ilədək 1,3 faiz azalacaq. Qazaxıstan buzlaqların suyunun fermer təsərrüfatlarına yönəldilməsini nəzərdə tutan GTF regional proqramını dəstəkləyir. Bu proqramın icrası su hövzələrindən daha səmərəli istifadəni stimullaşdıracaq, eləcə də fermerlərə əlavə imkanlar yaradacaq. Hesab edirəm ki, beynəlxalq təşkilatların da dəstəyilə həm Qazaxıstan, həm də Mərkəzi və Qərbi Asiya iqlim dəyişikliyinin fəsadlarının minimuma endirilməsinə nail olacaq".

Oxşar xəbərlər

Asiya İnkişaf Bankı: 2030-cu ilədək iqlim dəyişikliyi ilə mübarizə tədbirlərinə əlavə 100 milyon ayırmağı düşünürük

BMT-nin keçmiş baş katibi: Kənd təsərrüfatında adaptasiya tədbirləri daha da sürətləndirilməlidir

Səfir: Qazaxıstan COP29 tədbirində fəal iştirak edəcək

Həsən Həsənli "Adaptasiya və ambisiya kimi təhsil: Ətraf mühit təhsilinə yeni yanaşma" tədbirində çıxış edib

Azərbaycanın iqtisadi artım proqnozu açıqlanıb